كلمات أغنيه عجبتنى أوى أوى أوى لفيلم أحلام عمرنا وهى فعلا أحلام عمرنا وأكيد أى حد هيحسها أكيد هيحبها ولا إيه رأيكم ؟؟؟لأن كلامها بجد حقيقى أوى وجميل وواقعى وأثر فيه من جوايه أوى لمس حاجه من جوه حبيت كل الناس تقراها علشان كلنا نحسها
لما نقرب قوى من بعض وأما بجد نخاف على بعض ......ممكن نعلى حقيقى ونقوى ونصبح أقوى شعوب الأرض
لما بايدنا نأكل روحنا... لما نفوق ونداوى جروحنا ..واما أنا تتحول أحنا ...ونصلح أخطاءنا بجد... ممكن نعلى حقيقى ونقوى ونصبح أقوى شعوب الارض ونصبح أقوى شعوب الأرض
لما نحب بجد عملنا ..وأما نقول احنا اللى عملنا..ولما نلاقى فى بكرة آمالنا ..ولما نبطل خوف من بعض. لما نعمر أرض بلادنا
لما نعلم صح ولادنا... لما يعود من تانى بلادنا... لما نصدق كلمة بعض... ممكن نعلى حقيقى ونقوى ونصبح أقوى شعوب الارض ونصبح أقوى شعوب الارض
لما نقرب قوى من بعض وأما بجد نخاف على بعض ممكن نعلى حقيقى ونقوى ونصبح أقوى شعوب الارض
فى الأخر يارب نقدر نكون كده كلنا ونكون أيد واحده وأحنا هنبقى أحسن وأقوى شعوب الأرض أن شاء الله ويارب يبلغنا ليله القدر وأمانه الدعاء وكل رمضان والكل بألف خير ويارب نعتق كلنا من النار ويرزقنا الفردوس الأعلى يارب
40 comments:
السلام عليكم
حياة الاحلام حبيبيتى
هيييييييه انا اول تعليق
بصي بقي الاغنية ديه بجد احلى اغنية سمعتها ويمكن بتعبر عننا وعن تجمعنا الجميل وفى شغلنا اللى بنشتغله لله عزوجل
الاغنية ديه بجد بحس بيها اووووى
لما نقرب اوى من بعض
انا محستش بمعنى الحب والامل والخير غير لما قربت منكم وحسيت بيكم ومع بعض حسينا بأطفالنا امحتاجين
وحسيت قد ايه ان ربنا اخترنا عشان نكون السبب فى اننا نقدر نساعد غيرنا وكله بفضل ربنا علينا
الحمدلله
شكرا ياحياة احلامى الجميلة على الاغنية الجميلة ديه
سلااااااااحف يااوحى
السلام عليكم
ازيك ياحياة الاحلام؟
اغنيه جميله خالص
ويارب الكل يحس بيها
هى فعلا على رأى رضوى بتعبر عننا
ويارب ينولنا ليلة القدر
وندعى لبعض بظهر الغيب
ونبقى احلى شعوب الارض فعلا
سلااااااااااااحف ياجمر
اغنيه جميله وكلامات جميله
واكيد الى ياخد باله من معانى زى دى
اكيد انسان جميل ورقيق
ربنا يجمع صفوف الامه
وكلنا نحب الخير لبعض
ويجمعنا وميفرقناش ابدا
اللهم امين
ربنا يصلح احوالنا ويكشف عنا ما نحن فيه ويردنا الى ديننا ردا جميلا
وهي دي اهم حاجة يمكن الاغنية متكلمتش عنها
بس لازم نرجع لربنا الاول وبعد كده ربنا يكرمنا ونقدر نعمل كل الحاجات دي
شكرا ليكي يا حياة الاحلام على النقل الرائع ده
وربنا يكرمك ويبلغنا واياكي ليلة القدر ويرزقنا الجنة ويجرنا من النار
وانتي كمان لازم تدعيلي
:)
بعد السلام عليكم
اختياراتك جميلة ياحياة الحلام
جملة
ولما أنا تتحول أحنا
جملة مكثفة جدا
بس يارب الكلام ده يتحقق ، و ميكنش احلام عمرنا زى ما أنت قولتى
تحياتى ليكى
وكل سنة وأنتى طيبة
هو انا بصراحة مسمعتهاش
بس من خلال البوست باين عليها جميلة وتستاهل وصفك ليها
كل سنة وانتى طيبة يا قمر
ياريت نبقى اقوى شعوب فى الارض
ولا يهمنا لا الامريكان ولا البتنجان
ولا نخاف من الانجليز ولا حب العزيز
ولا حتى الاسبان او قطيع الخرفان
ولا قساه القلب الدنماركيين الحافيين
ياريت نقرب من بعض قوى
بس نخلى بالنا كل واحد من محفظته
لحسن فى دسائس غربيه
كلمات رائعة
أنا مسمعتش الاغنية
بس الكلمات فعلا جميلة و تختصر الكثير عننا .. أختيار جميل .. شكرا
و ربنا يبلغنا جميعا ليلة القدر و يختم رمضان علينا بخير ويرزقنا بجنته
سلام
عاشقه الوطن
منوره يا أوحى أول تعليق ولا أخر تعليق أنتى منوره
فعلا هى أغنيه جميله اوى اوى ومعبره جدا سواء عننا أو عن مصر كلها لو حصل كده فعلا هنبقى أقوى شعوب الأرض
يارب نقدر نكون كده
تحياتى
soka
سوكه حبيتى منورانى يا أوحى وفعلا كلام رضوى صح ويارب يارب نبقى أقوى شعوب الآرض وكلنا نعمل على قدر ما نقدر علشان نبقى كده
ما تنسيش تدعيلى
سلاااااااحف
صلاح الدين
يا أهلا يا أهلا منورنى وفعلا هى كلمات جميله أوى ويارب يجمع كل الأمه وما يفرقهاش وأحنا هنبقى أقوى أمه فى الدنيا كلها
ربنا يتقبل منا ومنكم
تحياتى
آلام وآمال
كلامك جميل وصح أوى وفعلا قبل ده كله لازم نرجع لربنا هى دى أساس الدنيا وأن الحال ينصلح
يارب دايما كلنا قريبين من ربنا دايما وربنا يكرمنا جميعا
تحياتى ومنورنى
abo salah
يا أهلا يا أبو صلاح منورنى
وفعلا كلمات الأغنيه جميله وكلمه لما أنا تتحول أحنا دى أهم جمله لآن لو أتحققت هنقدر نكون أقوى شعوب وأمه فى الأرض
وفعلا ما تكنش مجرد أحلام فى عمرنا
منورنى ويارب يبلغنا ليله القدر
تحياتى
Desert cat
وأنتى طيبه يا جميل والأغنيه كلماتها تحفه أوى وحقيقه وسعيده أنها عجبتك
منورانى تحياتى
بهلوله
بهلوله الجميله منورانى والله
وأيه الكلام الجامد ده كله صح ويارب يارب نبقى أقوى شعوب الأرض
يارب كلنا نقرب من بعض والأهم نقرب من ربنا أكتر وأكتر
تحياتى
Mahmoud
سعيده أن الأختيار عجبك أنا مكنتش أقصد الأغنيه أنا عجبنى الكلام فعلا جدا علشان كده حبيبت أنقله
يارب نقدر نبقى قد الكلام ونقرب كلنا من ربنا ومن بعض
يارب يبلغنا ليله القدر
وكل سنه وانت طيب ومنورنى
و اللة الاستاذ احمد رجب قال كلمة حلوة
ذات مرة ف عمودة ف الاخبار
قال _يبدو ان العرب اتفقو على الا يتفقوا_
و انا بقول من هنا
وع الدنيا السلنكتية
السلامعليكم
الاغنيه كلمها جميل
بس لو تحقق في الواقع بتكون اجمل
للاسف الفن الهادف وجوده صار نادر جدا و ايضا حينما ياتي لا يشعر به الا قليل جدا من الناس و يتاثرون به
..........
كل عام انتم بخير
تحياتي
الاغنية كلماتها حلوة بس اللى بيغنى الاغنية دى صوته وحش جدا مش بحب الاغنية
انا بحب اغنية الفيلم التانة انا قلبي ليه حاسس اوى بالشكل ده هو الهوى بيعلى احساسنا كده
بس انا فاهمة قصدك بس المهم اكتر من الكلام انه يتحول لحقيقة
وكل سنة وانتى طيبة ياقمر
هى الكلمات اه حلوة بس اللى بيغنى صوته وحش اوى فانا مش بحب الاغنية دى بس بحب اوى اغنية الفيلم التانيةانا قلبي ليه حاسس اوى بالشكل ده هو الهوى بيعلى احساسنا كده
بموت فى الاغنية دى
عموما الفيلم كله مش بحبه بس انتى شكلك بتحبيه حتى خدت كلام الاخ مصطفى شعبان عن الحصان وكتبتيه عندك
على فكرة انا فاهمة قصدك طبعا بس اهم من كلام الاغنية انه يتحقق فعلا فى الواقع
يالا سلام ياقمر
عشان نقرب اوى من بعض
لازم لمانوعد نوفى الوعد
ساعتهانشوف ساعة السعد
وعشان نقرب اكتر من بعض
لازم نجرى نطيرونحصل اللى سبقونا بجد
لما ضميرنا يخاف ياخد حق من حقوق حد
لماموظف يحس ان اللى قدامه بنى ادم بجد
لما اللى ينسألو ويقدموا لينا الرد
ساعتها نقرب اوى من بعض ويبقى اتفتحت
طاقة السعد
ليه علطول تايهين
ليه بعاد عن بعض سنين
الجفا بيزيد يوم عن يوم
الحب ليه انتفى وحلت مكانه الهموم
الحب لما يحل مفيش اخ يزعق فى وش اخوة
ميبقاش وشوشنا فى وشوش بعض ونتوة
نفسنا نقوم يوم من النوم
كفاياخلاص كفايا غيوم
جوايا جرح وعايش
نفسى فى يلتام
نفى فى لنفسينا ننتقم
الحب لما يحل مفيش اخ يزعق فى وش اخوة
ميبقاش وشوشنا فى وشوش بعض ونتوة
عدوانا صعب عنيد
اكيد شفتو الخوف فى عنيه لما الايد بقت فى الايد
لازم نرجع زى زمان
لابد عن يوم نتحد فى اى مكان
كفراوى
أهلا يا كفراوى منور وأستاذ أحمد رجب عنده حق ودى المأساه اللى أحنا فيها العرب أتفقوا على أن لا يتفقوا
بس على الأقل نحاول أحنا اللى هو الجيل الجاى اننا نغير ده ونتفق يمكن نقدر نعمل حاجه
تحياتى لمرروك ومنورنى
son's egypt
اهلا بيك ومنورنى وفعلا الكلمات حلوه بس المهم تتحقق يارب نقدر نحقق ولو جزء منها
وكل سنه وانت طيب تحياتى
ذو النون المصري
أهلا بيك ومنور مدونتى
وفعلا عندك حق الفن الهادف نادر جداجدا الوجود
بس الاغنيه دى كلماتها حلوه بجد وياريت نحققها
وانت طيب وبخير دايما
تحياتى
yasmine
أهلا بيكى يا ياسمين يا قمر الأغنيه فعلا كلماتها حلوه
وأنا بتكلم عن الكلمات بغض النظر عن المطرب لانى انا كمان مش بحبه بس عجبنى الكلام جداجدا علشان كده أثر فيه
وبخصوص الفيلم أنا على فكره مش بحبه عادى فيلم زى اى فيلم بس أنا من النوع اللى باخد بالى من الكلام اوى علشان كده عجبنى حته الحصان قوى فكرى فى معانها هتلاقيها حلوه فعلا حتى لو كان قالها شعبان عبد الرحيم كنت هحبها برضه هههههه
ياريت على رأيك نقدر نحقق جزء من كلام الأعنيه يارب ان شاء الله
وكل سنه وانتى بألف خير
المستقبل
اهلا بيك منورنى
والله كلامك بجد حلو أوى وكل حاجه صح جدا ويارب فعلا نعمل كده علشان نقدر نكون أقوى شعوب الأرض لان البدايه فى كل حاجه هى اللى هتوصلنا لكده
وكل سنه وانت بألف خير
ومنورنى وتحياتى
4love
يا أهلا يا أهلا منورنى والله
وبجد كلامك تحفه جدا وواقعى قوى ويارب نقدر نقرب كلنا من بعض والأخ يبقى أخ مش مجرد كلام والأب يبقى أب وكل واحد راع ومسئول عن رعيته ومحدش الدنيا تاخده
يارب نبقى أحسن شعوب الأرض
تحياتى وكل سنه وانت طيب
اجمل حاجه في البوست ده الصوره الي فيه
عشان فكرتني باجمل لعبه كنت بلعبها مع اصحابي
نفسي ارجع العب من تاني لعب العيال
عشان كنت متفوق فيها قوي
كنت بحبها قوي
هاقولكم عليهم كلهم
نط الجاموس
الشبر والشبرين
عالي وواطي
كهربا
واستغمايه
والبلي
ملك وكتابه علي مصاصاتا اللوليتا
والملك
وطير
بعد السلام عليكم
أزيك ياحياة الأحلام
كل سنة وأنتي طيبة وبألف صحة وسلامة
وعيد سعيد عليكي وعلي كل أسرتك
وكل الأخوة المدونين
وكل الأمة الإسلامية
وربنا يرجع والدتك من العمرة بالسلامة أن شاء الله
ويتقبل منها أن شاء الله
ويكتبلها الحج السنة الجاية بإذن الله
تحياتي
كل سنه وانتى طيبه
عيد سعيد على الامه الاسلاميه اجمع
كل سنه وانتي طيبه
علي فكره اول مره سمعت الاغنيه اتمنيت نفس اللي اتمنتيه
يااااه حاجات كتير اكيد هتختلف
كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين
Anonymous
أهلا بيك وسعيده ان البوست عجبك ولو أنى معرفش اللعبه
بس كلنا نفسنا نرجع أطفال تانى كانت أجمل حياه
كل سنه وانت طيب
abo salah
وعليكم السلام
وأهلا بيك يا أبو صلاح منورنى أنا كويسه الحمد لله بخير
وشكرا على سؤالك وكل سنه وأنت بألف خير
ويارب ماما توصل بالسلامه ويرزقنا جميعا عمره او حج يارب
تحياتى ومنورنى دائما
نسرين - أمة الله
أهلا بيكى يا قمر منوارنى
وأنتى بألف صحه وبخير دايما
وعيد سعيد على الجميع
تحياتى
coca
أهلا بيكى يا قمر ومنورانى وفعلا حاجات كتير اوى هتختلف لو قدرنا نحقق الكلام ده
وكل سنه وأنتى بألف خير وعيد سعيد
تحياتى
أمــانــى
أهلا بيكى يا قمر منوارنى وكل سنه وأنتى بألف خير يارب وعيد سعيد على الجميع
ومنورانى
تحياتى
نحن معشر المسلمين من نعاشر أنفسنا علي تعظيم الشعائر وتطبيق الشرائع فنصبح صحاب المشاعر والمشاعر
ولتعلموا أنكم أحب إلينا من أنفسنا
اللهم أجمعنا مع من نحب وأجعل لكل حبيب لقاءا في الآخره مع من يحب وكل الأحبه في الجنه مع الحبيب المصطفي .صلي الله عليه وسلم
Post a Comment